An artist is not paid for his labor but for his vision ~James Whistler
Tuni a ibawlte jousia kumbangjat ahiei kangbangjat ahiei khat dai ding a ibawl uh hi. Tuni a isilbawlte tuni ma a bei ding hileh akanantna a umsih ding hi. Kapeisuh kapeitou a mitawndan leh hindan ka en leh leh a, eite leh mite bang eh kikhiatna bangma a umsih hi(except our culture and looks),min abawlthei jousieh ibawlthei chiet veve ua, hinan leh nuamdeutah a henglam dangthei leh mi iphalouna uh khat genjual vai.
Tuni’a inei--leh--gou(loumun,innmun,sum--leh--pai hitaven) atam-atawm,alet-aneu chi umlou a inei lieiliaite uh khu kepdan isiam joulou khu mite ipha lou na uh liantah in ka mu hi. Bang jieh a tu leh tu a ineite ikep siamlou uh adiehchin ei leh ei kidonglei bangma dang hilou in mailam ding plan leh vision sawtah min anei bang a eite’n inei jou lou jieh uh ahi bou hi. Mi’n mailam ding sautah atup(aim) nua in jong 100 lah a 50 bang amu jou giap ua.ei tupna liantah jong kinei jou sawmlou in jong 100 lah a zero jong kinei mujoulou, Kagenkhial deh aw?
Apeisa ipu-le-pate’n tuni a khua va ding chi angna kineppi uh hi leh--mun hichieh ah aneng neng(pieces) in ki umthang niainuai lou ding kagingta hi. Sum--leh--pai neite jong ikisumneisah vua isot dai sih ahi, Goumanpha tampi ipu leh pate’n angna koisah loumun,innmun,khouh leh tui hi ikemsiamlou jieh un mikhut a umsian ding ahita. Jing a khova ding in kinemjig vai, Jing leh thai a hing piang dingte leh tua lungsimsiangthou naupangte ding in mailam a silhoi tampi neisah sawm ding in machiang suan vai.
Mi tamjo in apeipi hoilou kasha khen hi leh akam teng ua thu pot “ kidamsot nonlou ding toh duhteng-deiteng neh ding, nuam tah a Zu-leh-khamthei a kibual a hinkhouh nuam deutah amang ding” chi hi mitampi a apat in kija jing ahi. Hichi bang a ilungneuna kamsuohte jieh a jong bangtan eh mi iphajou joulou nate lah a khat ahi. Damsotlou ding jieh a nei-leh-gou deichi tah a jang tang ta lei, isijou chieng a inuasia I innsungmite leh imi-isate bang chi leh ichi uh ata diei maw?
Adieh in ei lah a khangkhat apat khangsawn--generation to new generation--a nei-leh-gou, pilna-siamna--apa pilna apat atapa-tanu kung-- kipia sawnthei kingkeng lou ding hi leh kilawm ahi. Continuation (sunjoptouna) ichau ua. Apa khang a neijou in ata kang a neijou nonlou chite hi hoitah a pan kikep hoi angai hi. Ipu-ipa kangbang a neigou sawm kia sawn ding chi lunggelthei lei khangtou na liantah hing tut ding ahi.
Sum-leh-pai kiningching chieng in vaisai jong hing nuam van, inam-leh-gam sung a mihausa, mipil, misiam atam laisie’n khangtouna hingtam deudeu van. Khangtouna a umthei laisie’n siatna jong hing tam van. Hinan leh siatna lam kilam et jolou a, ahoilam ki lam et lei adan hing um giap ding ahi bou hi.
Tuni’a inei jou sie. Atam atawn chi umlou kepsiam a, khangsah jo sem ding lunggellei maban a tuni’a idin bangsang a alehni, alehthum in hing sang jo ding ahi. Jing a khua hingva kia van, tuni’a ikholsah-isepsa jousieh te uh jing chieng in ajang(use) ding hing um van, asia(bad) ichi tuh uh leh asiatna lam a khangsawnte’n hingjang van, ahoi nalam a ichitu uh leh ahoi nalam a khangsawnte hing pallun ding ahi. Silhoi chi tuh vai.
“ khuoh hingva van, michin kitaidemna tam semsem van, kitai demna telte’n ahatna ding un ang kipat dohna(foundation) khu sakhi dangta tui du bang in hing tul mawh ding uhi”
NB: Nahun manpha nang share pi jieh in kalungdam.
Author: Khamlianlal@ Khams zotal