Written By T. Zamlunmang @ Pupu Zou
Pu Ginsuanhau MLA in tuni October 25, 2014 ni'n Zogal Hall, Zoveng a hondohna neita. Tam vaguon ah ADCC Exe Member leh MDC hunkuom ten uap uhi.
Pu Ginsuonhau in a genna ah tabang feature film in i chi i nam, i tawndan, i tangthu nasa tah a tawisang ding ahidan gen. Zogal hall ineita ngal leh Zogal zong film a bawl a utdan gen a, tuabang bawl ut a um leh a poimaw banga pang dia man zing ahidan zong gen.
Director leh editor James Taithul in a genna ah tabang visual effect a kibawl film pen Manipur a zong um nailou, northeast a zong un jepjep nailou ahidan gen, tam movie bawlna dinga hun, sum, tha tam tah seng na um a, a poimaw bang a kithuopi te tungah kipahthu gen.
FILM THUSIM TOMKIM
Nidang lai in i pu i pate kho khat leh kho khat ana ki dou jel uhi. Thau, tempawng, heikhupte zang in gal ana ki sat tua jel uhi.
Ni khat kho ni nasa tah in ki dou ua, pasal gal hat mama khat apang a, amin ahi le Hangpu ahi. Tua kidouna ah aman gal ahing jou a, gal ai na ding in tangval khat ahing man hi. A galmat pa khau in akhi a inn lam ah ahing kai ta hi.
Inn a tung a gal ai pai di achi le, zu leh sa kining ching nei nai lou ahi man in pawlta a ngah mai ngai ta hi. Tuachiin agalmatpa suah in azang phot ta hi. Na asem sah a neh khom ding an apie hi. A inn gei ua inn neu khat alam a tuah na khau a khi in ajan gieh sah jel hi. Jiing le jan in atanu nungah melhoi tah mai khu ann a pe sah jel hi.
Tua nungahnun adam lou nate, ahimate dam doi anu pieh jel a, ang ki mumu chieng un ama uh gel kal ah itna ang pieng tahi. Tua chi'n nungahnu leh apa galmatpa ang kingaita uhi.
Numei nu'n tam bang in la hing sa hi. " Ka juo lalhen zingdam solnou bang e! Ka koi lou ding na lua sang e!" Galmat pan zong tam bang in ahing dawng hi. "Na koi lou ding nalai a ka nat leh aw, juo henkol bul luainam hing sut ven aw!" Numei nu`n ahing dawng kia a, " Jua henkol bul nam bang ka sut dia leh sanggiel chiem aw, na tuun siang lam zong ni e!" Tuachiin galmat pan jong a inn lam ua pui ding in aki chiam a, numei nun jong asut ta hi.Ani un galmatpa kho lam zuan in ang ki tai ta uhi. Tam thu apan athei tah in thangpai mama hi. Agalmat pa toh aki mu nini ua atha ding in ki han chiem ta hi.
Hun bangtan e khat ava um jou un numeinu hing lungleng ta a, apienna nu le pa, asanggamte ang ngai ta hi. Tua chiin apasal kung ah anua kawm ahi dan ang genta hi. Apasal in aungpa lungthah nalai di ahi dan athei a, a ut pai sih hi. Hinanleh azi`n ha jawl seng ahi man in pha asah pi ta hi. Tua chiin a zi ut na bang in asungte kawm ding in ang kisa ta ua, asung te kho lam juan in ang pei ta uhi.
Asungte khuo ang tung ta ua, asungpa na lungthah mama nalai hi. Hinaleh alungthah lam aki langsah sih hi. Aungte khuo a tom khat a um jo un, ni khat asung pa`n sa ai ding chi in zu le sa ang kai khawm ta hi.Tua chinn khosung mite ang kikai khawm ta ua, zu le sa ne in laamtang kai in hun ang zang ta uhi. Khum bang hun ang zah laitah un galmatpa laam ding in asawl ta ua, ama zong kipan pai in laamtual ah ang lamta hi.
Galmatpa a laam lai in azi in apa lungtup ang thei khe ta hi. Tam bang in azi in la ang sa hi. " Nang lah laam laam na ve chin, miel a dei aw, ka zuan sawl tel a totsa hawm laam aw e!!" Thakhat in apan anamsau ang zan doh a, galmat pa ngawn a vai tan ta hi. Tua chiin alu tual ah aki lia ta hi. Alu ala a khuam dawn khat ah ata ta hi. Azi da seng seng in apasal luang tung ah akap den ta hi. An ne lou tui dawn lou ahi man in atha ang chau seng ta a, ang dam mo ta hi. Athoi dam ding in siampu te ahan ua, hinanleh koiman athoi dam jou ta sih uhi.
Ama nun tam bang in la hing sa hi, "Sebuoi dawi lah hi sing e! Liim nga dawi lah hi sing e! Ngai ka siang ah hing koi aw dam ta ning e!!" Apasal lugu hawm ala a, sathau hoi tah a jut jol a, puan kang a tuam in asun azan in apom pom hi. Apasal sial sial le jong apasal lah hing kia nawn lou ding ahi man in, ama nu zong angen tang a ahin ding dan gel jou lou ahi man in, ni khat ama le ama aki tha sawm ta hi. Tuachiin kawl lam juan in ang pei ta hi. Apa gam zing pawt ang tun in atanu inn ah ana um ta sih a, ama pa zong lunghimaw ta a, kawl a ki tawm khe di khat hi va chiin ang nua del ta hi. Hinanleh amun ang tun tah in avaigei man ta a, atanu kawl a ki tawm khe sisa in ana um ta hi. Apa zong kisia in ata hawmthaw mama it seng in luan hi nul nanleh bangma apha tuam ta sih hi.
Pu Ginsuanhau MLA in tuni October 25, 2014 ni'n Zogal Hall, Zoveng a hondohna neita. Tam vaguon ah ADCC Exe Member leh MDC hunkuom ten uap uhi.
Pu Ginsuonhau in a genna ah tabang feature film in i chi i nam, i tawndan, i tangthu nasa tah a tawisang ding ahidan gen. Zogal hall ineita ngal leh Zogal zong film a bawl a utdan gen a, tuabang bawl ut a um leh a poimaw banga pang dia man zing ahidan zong gen.
Director leh editor James Taithul in a genna ah tabang visual effect a kibawl film pen Manipur a zong um nailou, northeast a zong un jepjep nailou ahidan gen, tam movie bawlna dinga hun, sum, tha tam tah seng na um a, a poimaw bang a kithuopi te tungah kipahthu gen.
FILM THUSIM TOMKIM
Nidang lai in i pu i pate kho khat leh kho khat ana ki dou jel uhi. Thau, tempawng, heikhupte zang in gal ana ki sat tua jel uhi.
Ni khat kho ni nasa tah in ki dou ua, pasal gal hat mama khat apang a, amin ahi le Hangpu ahi. Tua kidouna ah aman gal ahing jou a, gal ai na ding in tangval khat ahing man hi. A galmat pa khau in akhi a inn lam ah ahing kai ta hi.
Inn a tung a gal ai pai di achi le, zu leh sa kining ching nei nai lou ahi man in pawlta a ngah mai ngai ta hi. Tuachiin agalmatpa suah in azang phot ta hi. Na asem sah a neh khom ding an apie hi. A inn gei ua inn neu khat alam a tuah na khau a khi in ajan gieh sah jel hi. Jiing le jan in atanu nungah melhoi tah mai khu ann a pe sah jel hi.
Tua nungahnun adam lou nate, ahimate dam doi anu pieh jel a, ang ki mumu chieng un ama uh gel kal ah itna ang pieng tahi. Tua chi'n nungahnu leh apa galmatpa ang kingaita uhi.
Numei nu'n tam bang in la hing sa hi. " Ka juo lalhen zingdam solnou bang e! Ka koi lou ding na lua sang e!" Galmat pan zong tam bang in ahing dawng hi. "Na koi lou ding nalai a ka nat leh aw, juo henkol bul luainam hing sut ven aw!" Numei nu`n ahing dawng kia a, " Jua henkol bul nam bang ka sut dia leh sanggiel chiem aw, na tuun siang lam zong ni e!" Tuachiin galmat pan jong a inn lam ua pui ding in aki chiam a, numei nun jong asut ta hi.Ani un galmatpa kho lam zuan in ang ki tai ta uhi. Tam thu apan athei tah in thangpai mama hi. Agalmat pa toh aki mu nini ua atha ding in ki han chiem ta hi.
Hun bangtan e khat ava um jou un numeinu hing lungleng ta a, apienna nu le pa, asanggamte ang ngai ta hi. Tua chiin apasal kung ah anua kawm ahi dan ang genta hi. Apasal in aungpa lungthah nalai di ahi dan athei a, a ut pai sih hi. Hinanleh azi`n ha jawl seng ahi man in pha asah pi ta hi. Tua chiin a zi ut na bang in asungte kawm ding in ang kisa ta ua, asung te kho lam juan in ang pei ta uhi.
Asungte khuo ang tung ta ua, asungpa na lungthah mama nalai hi. Hinaleh alungthah lam aki langsah sih hi. Aungte khuo a tom khat a um jo un, ni khat asung pa`n sa ai ding chi in zu le sa ang kai khawm ta hi.Tua chinn khosung mite ang kikai khawm ta ua, zu le sa ne in laamtang kai in hun ang zang ta uhi. Khum bang hun ang zah laitah un galmatpa laam ding in asawl ta ua, ama zong kipan pai in laamtual ah ang lamta hi.
Galmatpa a laam lai in azi in apa lungtup ang thei khe ta hi. Tam bang in azi in la ang sa hi. " Nang lah laam laam na ve chin, miel a dei aw, ka zuan sawl tel a totsa hawm laam aw e!!" Thakhat in apan anamsau ang zan doh a, galmat pa ngawn a vai tan ta hi. Tua chiin alu tual ah aki lia ta hi. Alu ala a khuam dawn khat ah ata ta hi. Azi da seng seng in apasal luang tung ah akap den ta hi. An ne lou tui dawn lou ahi man in atha ang chau seng ta a, ang dam mo ta hi. Athoi dam ding in siampu te ahan ua, hinanleh koiman athoi dam jou ta sih uhi.
Ama nun tam bang in la hing sa hi, "Sebuoi dawi lah hi sing e! Liim nga dawi lah hi sing e! Ngai ka siang ah hing koi aw dam ta ning e!!" Apasal lugu hawm ala a, sathau hoi tah a jut jol a, puan kang a tuam in asun azan in apom pom hi. Apasal sial sial le jong apasal lah hing kia nawn lou ding ahi man in, ama nu zong angen tang a ahin ding dan gel jou lou ahi man in, ni khat ama le ama aki tha sawm ta hi. Tuachiin kawl lam juan in ang pei ta hi. Apa gam zing pawt ang tun in atanu inn ah ana um ta sih a, ama pa zong lunghimaw ta a, kawl a ki tawm khe di khat hi va chiin ang nua del ta hi. Hinanleh amun ang tun tah in avaigei man ta a, atanu kawl a ki tawm khe sisa in ana um ta hi. Apa zong kisia in ata hawmthaw mama it seng in luan hi nul nanleh bangma apha tuam ta sih hi.