Khovel a mi asang aja laisim nuam, innsung hasatjiah a simjou lou a anop le da a nasem mitampi umlai a eiten ilaisimna uah kukal tah in isim nadiai leh? Amin a college kai a janchiang a nungah helna hinkhua imang jing leh bang chin guolnua iphadiai? Ikhanglet hunlai a ilung gel bang a ipei sua leh nuachiang a kisihlei jong akikhel ding hi. Ang kichomjou laisia’n ahun manpha( opportunity) kilah vai.
Khenkhat muntuom apat, nu-le-peten hasah tah a mailam a kinepna nei jia ua gethei hasatna khosahlou a laisim ding in khopi sunga ang sawl ua, nan leh nu-leh-pate kinepna banglou in pawl 10 leh 12 joulou in akhoma ua kinua leh kia uhi. Nu-leh-pa kinepna liantah neite ding in anuam diai leh? Thei ding khat chu mihing khat in tupna leh dei tahtahna lungtang inei leh chu alampi umjing ahi. Tulai a milian/ mihausa ichite jong nuam sahtah a hingkhang lian ahisih ua. Agentheina uh leh nasatnate jiah leh pasain thu a ginna tah anei jia ua tu milian leh milal sua uh ahi chi thei jing vai.
Ilawsap leh jong lungneu lou’a khapet jen a bawlsawm kia ding ahi. Lawsam kisah in ilaisimna tawpsan lei bangchi chiang a ilawching ding uh la? Khenkhat laisimlou in duthusam lianpi nei jong i um kia uhi, Mihing khat in chu tupna (aim) neiding atuulmawh ah jong apoimawh talua hi, hinan leh asep-leh-asim bawl kingkenglou a tup lianpi neilei bang eh akanatna? Tupvai, hapang vai, khatvei ilawsap leh hapang josem vai, tuachi leh isiltupte uh lawching ngeiding ahi. Ahin tupna lian nei a hapanglou sang in tupnanei a guntuh tah a pang ahoi jo hi.
Deisah najiah a min angthuhil leh kipah in, mideisahthei natang hi mihampha nahi chi theingil vawtsin, Nikhat -chiang in nang jong mi nadeisah hun hing um van, tuachiang in tu lel a mideisahna thuhil nala lou leh nalungthah nate nang kung a hing tung kia ding a, jong nakipah vawt sih ding ahi. Tuajia’n mailam a natate/natute thuhilthei ding nanuam leh tua nang hing kihilnate kilasiam in lan, nahinkhua kisiam hoi in. Manpha mama ahi.
Laisiamlu/simlou khang tha chu mitoh tobang hing hi ding ahi chia anagen uh adih a, Louhou.nasem ding leh business bawlsawm te ding in jong laisiam apoimawh tahi. Mi laisim nuam a simjou jia a genthei thua atam atam lai’a ei laisim utlou a khamthei guithei a ki bual jing mei ding maw khanglai? Mihingdan en in, asialam ngen sang ahoijolam a namit tuhsah jo in, tuachin kipah nalam ahing tut jo ding ahi.
Innsung a nu leh pate, zu-leh-sa a kimawl um meithei naven, tapa pil, tanupil ihi uh leh nu-leh-pate zu dawm leh khamthei bawlte ngolthei nang in kamkhat beh nakam in nanu/napa nahil kha tai? Khen khat hi, innsung genthei jia leh innsung a uh-leh-nau, nu-leh-pate zudawn pona kisah in, kilungkham sah sengjia’n zudawn beh nalai, tua lungkam kisah a zu nadawn beh leh kipahna’n hing tut jolou dia, na hasatna/ lungkhamna double/triple a ang khangsah jo ding ahi.
Lungkham pei sin, melhoi ding deina in khamthei toh naki jen sang in, laisimna a kukal in pang leitulai min ing ngai sang joding ahi. Ei leh ei ki dong mawng mawng lei jo, bang ding a nu leh paten laisim ding a ang sawl thei pet a, tha nuam sah lou? Ngaitua kia voi, Pu le pate hunlai in, Laisim dia kisawl ma lah lah a, loiching/ bawng ching, inn ngah/ nauching ding chou a ana ki khanglet sah jia ua tua minua a kitai jing nalai ahi.
Ahun hoilai in silhoi jilding kidemvai, ahun umlai in imailam ding uh kikhuol tinten vai, Inu/ipaten angdampi laisia’n silhoi khat beh bawlpia sawm vai. Khangthah ding in ahitheilou bangma aum sih a, siljousia a umthei hi, ilungtang in angap na pou leh bangkim ahithei hi.
So, Khanglai...! Namailam hun nang khut a um ahia....
“Should we take the chance for a better tomorrow, or ignore the chance to weep forever?”
~khamlianlal@ khams zotal
Student social workers’
Khenkhat muntuom apat, nu-le-peten hasah tah a mailam a kinepna nei jia ua gethei hasatna khosahlou a laisim ding in khopi sunga ang sawl ua, nan leh nu-leh-pate kinepna banglou in pawl 10 leh 12 joulou in akhoma ua kinua leh kia uhi. Nu-leh-pa kinepna liantah neite ding in anuam diai leh? Thei ding khat chu mihing khat in tupna leh dei tahtahna lungtang inei leh chu alampi umjing ahi. Tulai a milian/ mihausa ichite jong nuam sahtah a hingkhang lian ahisih ua. Agentheina uh leh nasatnate jiah leh pasain thu a ginna tah anei jia ua tu milian leh milal sua uh ahi chi thei jing vai.
Ilawsap leh jong lungneu lou’a khapet jen a bawlsawm kia ding ahi. Lawsam kisah in ilaisimna tawpsan lei bangchi chiang a ilawching ding uh la? Khenkhat laisimlou in duthusam lianpi nei jong i um kia uhi, Mihing khat in chu tupna (aim) neiding atuulmawh ah jong apoimawh talua hi, hinan leh asep-leh-asim bawl kingkenglou a tup lianpi neilei bang eh akanatna? Tupvai, hapang vai, khatvei ilawsap leh hapang josem vai, tuachi leh isiltupte uh lawching ngeiding ahi. Ahin tupna lian nei a hapanglou sang in tupnanei a guntuh tah a pang ahoi jo hi.
Deisah najiah a min angthuhil leh kipah in, mideisahthei natang hi mihampha nahi chi theingil vawtsin, Nikhat -chiang in nang jong mi nadeisah hun hing um van, tuachiang in tu lel a mideisahna thuhil nala lou leh nalungthah nate nang kung a hing tung kia ding a, jong nakipah vawt sih ding ahi. Tuajia’n mailam a natate/natute thuhilthei ding nanuam leh tua nang hing kihilnate kilasiam in lan, nahinkhua kisiam hoi in. Manpha mama ahi.
Laisiamlu/simlou khang tha chu mitoh tobang hing hi ding ahi chia anagen uh adih a, Louhou.nasem ding leh business bawlsawm te ding in jong laisiam apoimawh tahi. Mi laisim nuam a simjou jia a genthei thua atam atam lai’a ei laisim utlou a khamthei guithei a ki bual jing mei ding maw khanglai? Mihingdan en in, asialam ngen sang ahoijolam a namit tuhsah jo in, tuachin kipah nalam ahing tut jo ding ahi.
Innsung a nu leh pate, zu-leh-sa a kimawl um meithei naven, tapa pil, tanupil ihi uh leh nu-leh-pate zu dawm leh khamthei bawlte ngolthei nang in kamkhat beh nakam in nanu/napa nahil kha tai? Khen khat hi, innsung genthei jia leh innsung a uh-leh-nau, nu-leh-pate zudawn pona kisah in, kilungkham sah sengjia’n zudawn beh nalai, tua lungkam kisah a zu nadawn beh leh kipahna’n hing tut jolou dia, na hasatna/ lungkhamna double/triple a ang khangsah jo ding ahi.
Lungkham pei sin, melhoi ding deina in khamthei toh naki jen sang in, laisimna a kukal in pang leitulai min ing ngai sang joding ahi. Ei leh ei ki dong mawng mawng lei jo, bang ding a nu leh paten laisim ding a ang sawl thei pet a, tha nuam sah lou? Ngaitua kia voi, Pu le pate hunlai in, Laisim dia kisawl ma lah lah a, loiching/ bawng ching, inn ngah/ nauching ding chou a ana ki khanglet sah jia ua tua minua a kitai jing nalai ahi.
Ahun hoilai in silhoi jilding kidemvai, ahun umlai in imailam ding uh kikhuol tinten vai, Inu/ipaten angdampi laisia’n silhoi khat beh bawlpia sawm vai. Khangthah ding in ahitheilou bangma aum sih a, siljousia a umthei hi, ilungtang in angap na pou leh bangkim ahithei hi.
So, Khanglai...! Namailam hun nang khut a um ahia....
“Should we take the chance for a better tomorrow, or ignore the chance to weep forever?”
~khamlianlal@ khams zotal
Student social workers’