Mittote mit vah sah ding leh, suongkul tangte suongkul apat suohtasah ding leh, suongkul miellah a toute puidoh dingin…
“Taan vah in” in iching in Pasian in nang leh kei kung a angthu mopna leh ang vaiha na, bangchi a jong tulthei lou hinna laibu”Bible” ana gen ahi. Vah(Light) toh kisai bible sung I etleh a um chiet sim a, Late 36:9 “Aziehpen na kungah hinna tuikhuh a um a; na vah taangtah vahna ka mu ding uhi”. Late 119: 105 “Na thu khu ka keng a dingin meivah ahi a, kalampi a ding in vah ahi”. Late 119: 130 “Nathu hil chianna in vah apie a, mi mawlte kungah theisiamna apie hi.”. Vah toh kisai bible sung a enchiet ding hilei, vah telna a umsua sim a, hinan leh tam vah telna bible sung lah a ken kadei dieh leh hoikasah “ISAI” sung a um “vah” agenna toh ithupi uh genkhawm vai.
Isai 42: 5-7 “(5) Mangpan Pasian vante asiem a, puon bang ajahpa, leitung leh asunga pat a pawtte zousie puon bangpa pha-pa, leitung mihingte kunga nahna hu pepa leh, leitunga tengte hinna hagau pepa’n; tambang in agen hi. (6) “Kei Mangpa’n dihtatna in nang ka hing han a, nakhut in ka hing tudet dinga, ka hing keem dinga, tualeh mite thuhun ding leh “Jentelte” vah hi dingin, kahing pe ding hi. (7) Mittote mit “vah” sah ding leh, suongkul tangte suongkul apat suohtasah ding leh, suongkul miellah a toute puidoh dingin” chin agen hi.
Pasian ta kichite, Pasian Bieh buh(church) sung chou a Pasianta ahi sih a, Pasian ta kichite(Nang leh kei) khu munkhat chou a Pasiantah ihituansih ua, ahin munjousia, I umna jousia, tam laibu nasimna mun, kolgam-vaigam, sim leh ma, kalkhat-kalnih isuonna jousia a Pasian tate mun leh gam ahia, Pasian in mittote mitvah sah ding leh suongkul a tangte hunkia ding a ang na thumot ahi ta hi. Mittote leh suongkul a umte koite agenna eh?
Mittote leh suongkul a umte ichi chiang in mihing hingal a, asiampa(Pasian) theilou a, zu leh sa, khamthei guithei nehte leh ahinkhuoh siangthou tah a jang lou a, asiampa deilou na bang a ut dandan a hingte leh hundamna ngaite agenna ahia, tuate hunkhia ding leh ahinkhuoh siamtha ding a pasia’n ei ahattuom mite angdei ahi. Bang chi hundam/ taan vah ding?
Khangtha teding in “Taan vah in” ichi chiang, adieh in I school, college, university kaina, leh inasepna (work places) ah mite etton tah, gingtuloute(atheist) te dia OH! Hianu, hiapa Ginna tah nei eh chi ding a um ngai a, Inasep-silbawlte apat a mite a ding a enton tah hi ding a tuul hi.
Nu leh pate ding in “taan vah in” ichi chiang in- ei mimal hinna tha inei ban uoh, I iinnsung I etkol dan, innsung a tate Pasian lam a ithu mopdan leh I teenna uh innsah in hangte bangtan hinna tha inei a, ei jieh in gingtu lou khat na innsah/ innhangte’n Hianu/hiapa gingtu(believers) hi tahtah na ei chi I ensah thei diei? Ahisih leh, ettonta ihi jing naima?
Bible in agen bang in, taan vah ding achina pen koi ma ahi tuansih a, atangvah ding leh vaah khu ei mimal chiet ihi ua, ei ma apatsah mite gospel a hinna tha neithei ding in leh I tahsa leh hagau a siangthou a kalsuan ding in ang chialna joh ahi bou hi. Tulai mitam tah haugau a piantha pan khat mihoilou/lawmhoilou toh ang kipawl chieng in, ahagau hinkhuoh a leh chau(weak) jel a, ahoilounu-hoiloupa hoisah jou malah lah in, ama hagau ngel jong asietlawh jel hi, tam khu bangma dang ahisih a, eima in haugau a ginna tah inei lou jieh uoh nuatawn(back sliders) jel ihi uhi. Ki ngai tua tha vai nang leh kei!!!
“Taan vah thei na ding in eima mimal ki taan vah masah a ngai a, eima mimal iki taan vah jou leh, I innsung uh hingdam van, Innsung chiet uh itaan vah jou leh ihattuom sung uh hinghatvan, hattuom sung ang hatchieng in khotang hinkhuoh a kikhelna hing umvan…tuachieng in mittote mit hingkeu van in, suongkul a umte leh mikhialte khu Pasian in angpia sah I “vah” uh toh hundam in a um ding ua. Tua khu Pasian deilam ahi.”
God Bless simtu jousia
Laigeltu:
Khamlianlal @ Khams zotal
Email: [email protected]
0 Comments
Leave a Reply. |
AuthorKhams Zotal Categories
All
Archives
October 2014
Categories
All
|